習慣咗愛爾蘭生活，好多生活細節都冇留意。但係當你要從一個地方新開始，然後就發覺真係好多問題。有個客人朋友，問我愛爾蘭有冇跌打，當時個腦諗一諗笑咗。
遺忘了跌打😅，係愛爾蘭如果你係受傷，第一件事就係要去GP(家庭醫生）如果話跌親或者扭親，GP通常會send 你去公立醫院檢查，之後物理治療。
愛爾蘭人做運動都會扭親，跌傷，所以呢度做物理治療係好普通。
以下條link , 講述衛生部提供嘅物理治療服務，建議大家買定私人保險，排期時間比較短，政府只係有部份及有限嘅津貼。
咁喺愛爾蘭就冇跌打館，但係有中醫館，大部份中醫館都係國內嘅朋友開嘅，咁佢哋主力係做針灸、同埋拔罐，鐵打未必每個醫師懂的，個收費都唔平，所以如果有心嚟愛爾蘭嘅朋友可能要帶定幾支跌打酒或者一啲我哋傳統嘅藥油。在家不時之需，我囡囡比較好動，成日都跌親，所以我家都有支跌打酒。
https://www.citizensinformation.ie/en/health/health_services/care_in_your_community/physiotherapy_services.html
Search